La-tashiyada

La tashiga iyo Wacyigalinta

aan wadatashano waa aan heshiino!

Dib-u-eegista dastuurku si ay sharciyad u hesho loona helo lahaansho Soomaaliyeed oo dhameystiran waxaa lagama maarmaan ah in lagala tashado dhammaan qaybaha bulshada islamarkaasna lagu wacyigaliyo dadweynaha Soomaaliyeed. Qorshe-howleedka wuxuu hagayay latashiyada iyo wacyigalinta qaybaha ku shaqada leh, daneeyayaasha iyo dadweynaha ee ku aadan cutubyada dib-u-eegista lagu sameeyay ee Dastuurka KMG. Qorshahu wuxuu faah-faahinayay istiraatijiyadda wacyigalinta iyo latashiga dadweynaha iyadoo la jaanqaadeysay tubta geedi-socodka dib-u-eegista Dastuurka. Haddaba, Qorshe-howledkaasi wuxuu xaqiijinayey in la gaaro ujeedooyinka istiraatiijiyadda wacyigalinta iyo latashiga dadwaynaha ee hoos ku xusan:

1. Sare u qaadista ogaalka shacabka Soomaaliyeed ee la xariira Dib-u-ugeesta Dastuurka
2. Horumarinta wacyigalinta iyo latashiga bulshada ee Dib-u-eegista Dastuurka
3. Abuurista fursasdo ay bulshadu ku dhiiban karaan aragtidooda ku aadan Dib-u-eegista Dastuurka
4. Uruurinta, falanqaynta iyo soo-bandhigidda aragtida dadweynaha Soomaaliyeed.

Si waafasan Qodobka 133aad, Qorshaha istiraajiyadu wuxuu tilmaamayey in lagala tashado qaybaha kala duwan ee Bulshada iyo Dawladda, si loo helo aragtidooda ku aadan Dib-u-eegista Dastuurka kuwaas oo kala ah:

1. Baarlamaanka Federaalka
2. Xukuumadda Federaalka
3. Golayaasha Sharci-dejinta ee DXF
4. Xukuumadaha DXF
5. Muwaadiniinta Soomaaliyeed ee Dalka iyo Dibadda ku nool
6. Barakacayaasha
7. Ururada bulshada rayidka
8. Dhallinyarada
9. Hay’adaha warbaahinta
10. Ciidamada qalabka sida.
11. Xisbiyada siyaasadda
12. Naafada
13. Culimada
14. Oday dhaqameedka
15. Haweenka
16. Ganacsatada
17. Ururada Shaqaalaha
18. Garsoorka
19. Hay’adaha Waxbarashada